Հղիությունը նպաստում է ոտքի չափսի մեծացմանը

Ամերիկյան գիտնականների վերջին հետազոտությունները ցույց են տվել, որ հղիության ընթացքում կանանց ոտքերը երկարում են, իսկ ոտնաթաթերը՝ լայնանում:

Ըստ Medical News Today-ի, հետազոտությանը մասնակցել է 49 հղի կին: Գիտնականները ոտնաթաթերի չափումներ են կատարել հղիությունից առաջ եւ այդ ընթացքում, ինչպես նաեւ երեխայի ծննդից հետո: Պարզվել է, որ կանանց 70%-ի ոտնաթաթերի չափերն անընդհատ փոխվել են: Ընդ որում, փոփոխությունները տատանվել են բավական լայն սահմաններում: Բացի այդ, գիտնականներն արձանագրել են կանանց հասակի աննշան աճ՝ 2-20 մմ:

Հետազոտության արդյունքում մասնագետները եզրակացրել են, որ ոտքի չափսի փոփոխությունը կանանց հենաշարժական համակարգի հիվանդացության զարգացման գլխավոր պատճառներից է:

Հարցեր, պատասխաններ, մեկնաբանություններ